Dä Föttchesföhler

Dä Föttchesföhler

Mänch einer sich et Mödche köhlt,
Wann hä an fremde Föttche föhlt.
Hä es dä janzen Dach am tatsche,
nor noh de Frauminsche am jrapsche
un merk dobei nit, dat hä stürt,
weil hä nit weiß, wat sich jehürt.
Bei jedweder Jeläjenheit
de Fraulück hä befummle deit.

Un wann nit föhlt hä, dann hä stiert
– Maneere hät hä nie jeliert –
un es un es am üvverläje,
wie un dann op wat för Wäje
hä künnt jitz flöck un och em Rüppche
Höösch lange noh däm nöchste Föttche.

Dat es jo eijentlich allerhand
Dröm mer in Föttchesföhler schannt.

Nor bei singer Ahl zo Huus
Do es met däm Föhle Schluss:
Do jitt et, well hä it anpacke
tireck vum im jet en dä Nacke
met der Brodpann us däm Schaaf.
Dann es dä Föttchesföhler brav.

Dröm Fraulück, he es minge Rod
Wann ehr vür su nem Kääl ens stoht
Trett im dohin, wo wieh et deit
Die einzije Sprooch, die hä versteiht.