Wo wonnt hä eijentlich

Wo wonnt hä eijentlich

Deef unger Kölle resedeet
mit singer Entourage
dä Nubbel. Wat mer hööre deit,
es dat en staats Bajage.

Jaques Offenbach un Ostermann,
Schmitz, Millowitsch, Berbuer
un Batzem wall ehr Freud do han.
Nix es inne zo döör.

Et Hännesche me’m Bärbelche,
dä Jan met singem Jriet,
dä Orjels Palm, et Arnöldche:
Se all mer unge süht.

Ze baschte han se do Plaisir,
all föhlen se sich wohl.
Un meddemang dä Nubbel fiert
em staatse Kamesol.