078
143
267
Nubbel Köln

Wat mäht dä Nubbel eigenlich et janze Johr üvver, wann hä nit jrad bovven en
Kölle es, öm för die Biestereie vun all der kölsche Jecke jrad zo stonn?

Hä resedeet met singer Entourage em Souterräng deef unger däm hellije
Kölle, wo hä sich als Föösch vun der kölschen Ungerwelt üvver alles, wat hä
vun bovven metkritt, su sing Jedanke mäht...

“ „

He künnt ehr Minsche nohlese, wat mich esu ömdriev.
Vill Spass beim Lese un Denke!

221

Dä kölsche Föösch

Dä kölsche Föösch Mer kritt en nor an Fastelovend zo Jeseech. Am Äschermeddwoch deit hä singe Hingersch hinhalde för all die Biestereie, die die kölsche Jecke en der Fastelovendszick anjestellt han. Ävver wat mäht dä Nubbel, dä Schotzpatron vun all dä Schruppsüffer, Föttchesföhler un Kläävbotze eijentlich dann et Johr üvver bes zom Elfte em Elfte? Hä resedeet met singer Entourage em Souterräng deef unger däm hellije Kölle, wo hä sich…

schruppsueffer

Dä Schruppsüffer

Dä Schruppsüffer Wä an der Schwemm steiht leis un stell jään drink, doch nix bezahle well, wä immer op dä Avtrett jeiht, wann die nöchste Rund ansteiht un kütt dann widder anjekruffe, wann et et jitt för lau zo suffe. Dä weed en Kölle wie jenannt? Ne Schruppsüffer. Dat es bekannt! Hä denk: „Woröm soll ich dann bleche, wann mer he zosamme zeche? Dann e Bier wat mich nix koss,…

klaeaevebotz

Die Kläävbotz

Die Kläävbotz Et jitt Besök, dä kumme deit un wann hä setz drop nit mih jeit un met dir anstüss: „Sehr zum Wohl!“ un klääve bliev op singem Stohl. Do kann mer maache, wat mer well, hä setz op singem Plaatz janz stell weil för in et nix Schön’res jitt, och wann mer selvs et Ääpche kritt. Do kanns do jähne, schlofe, küme, iggele un och jet rüme, dä Avwasch…

moemmesfresser

Dä Mömmesfresser

Dä Mömmesfresser Wä immer Angs hät öm sing Flocke, deit nor op singe Nüsele hocke un dobei su kniestich es, dat hä sing eije‘ Mömmese fress weed Mömmesfresser he jenannt un es me’m Schruppsüffer verwandt. Wann die zwei ens jon zo ’nem Weet, dat ’ne drüjje Ovend weed: Dä eine waad, dat wä bestellt, dä and’re setz op singem Jeld. Un su sin se en der Klemm, wann em Weetshuus…

foettchesfoehler

Dä Föttchesföhler

Dä Föttchesföhler Mänch einer sich et Mödche köhlt, Wann hä an fremde Föttche föhlt. Hä es dä janzen Dach am tatsche, nor noh de Frauminsche am jrapsche un merk dobei nit, dat hä stürt, weil hä nit weiß, wat sich jehürt. Bei jedweder Jeläjenheit de Fraulück hä befummle deit. Un wann nit föhlt hä, dann hä stiert – Maneere hät hä nie jeliert – un es un es am üvverläje,…

feuerbowle

De Föörzangebowl

De Föörzangebowl Eimol em Johr föhle mer uns wohl, dann jitt et zom Chressfess e Föörzangebowl. Zwei Fläschje ren met Rum vum Strüh, dozo e Mokkatässje Tee, dä Opa fingk dat schön un jod: Spendeet dozo der Zuckerhot. Noch en Fläsch Schabau üvver dat Ding. Un esu setze mer em Flammesching. Un es dat Höötche avjebrannt, dann nemmp uns Mamm die Kell en de Hand schödd jedem vun uns e…

weihnachtsengel

Chressdäch en Kölle

Chressdäch en Kölle De Chressdäch röcke immer nöher janz Kölle litt em Kääzesching. Mer denk bei sich: „Et es wie fröher. Su stell un leis, su höösch un fing.“ Op jedem Plaatz ’ne Weihnachtsmaat, met Bredderbude es janz Köln verbaut. Mer hät jemaht ’ne Einheitsweihnachtsdress. Bläck Fööss höört mer, Höhner, Brings. Dä Weihnachtsmann deit winke. Un üverall do Lückcher fingks, die sich dozo bedrinke. Wann stäänevoll drop en der Soot…

145

Wo wonnt hä eijentlich

Wo wonnt hä eijentlich Deef unger Kölle resedeet mit singer Entourage dä Nubbel. Wat mer hööre deit, es dat en staats Bajage. Jaques Offenbach un Ostermann, Schmitz, Millowitsch, Berbuer un Batzem wall ehr Freud do han. Nix es inne zo döör. Et Hännesche me’m Bärbelche, dä Jan met singem Jriet, dä Orjels Palm, et Arnöldche: Se all mer unge süht. Ze baschte han se do Plaisir, all föhlen se sich…

184

Üvver dä Doosch

Kütt mer als Quösje op de Welt, es hä dä Eeschte, dä sich meld: Ne jroße Schrei un alles bröllt. Dä Klein hät Doosch. Dann weed jestellt. Als Mann mer döckes dann drop waad, dat mer weed noch ens anjelaht. Doch miestens muss mer sich benemme un höösch dat Jläsche selver stemme. Dä Minsch, dat Dier, dä janze Bösch deit drinke, weil söns wör’n se drösch. Et wöödt nit mangs…